Qəhvə çöküntülərini yanacağa çevirməyin yolunu tapdılar

Hər gün milyonlarla insanın istehlak etdiyi qəhvənin hazırlanmasından sonra geriyə qalan çöküntülər adətən zibilə atılır. Lakin alimlər bu tullantıların yenidən istifadəsi üçün maraqlı üsul üzərində işləyirlər. Məlum olub ki, istifadə edilmiş qəhvə çöküntülərindən yanacaq istehsalında yararlanmaq mümkündür.
Avtosfer.az xəbər verir ki, ispaniyanın Rovira Virgili Universitetinin tədqiqatçıları qəhvə çöküntüsündəki yağı daha əlverişli şəraitdə əldə etməyin üsulunu araşdırıblar. Alınan yağ biodizel istehsalı üçün xammal kimi istifadə oluna bilər.
Araşdırmaya görə, istifadə edilmiş qəhvə çöküntüsünün təxminən 15 faizi yağdan ibarətdir. Bu yağın tərkibində əsasən linoleik və palmitik turşular mövcuddur ki, bu da onu biodizel istehsalı üçün yararlı xammala çevirir.
Tədqiqatçılar yağın əldə edilməsi üçün müxtəlif temperatur və müddətləri sınaqdan keçiriblər. Ən yaxşı nəticə 45 dərəcə temperaturda 60 dəqiqə davam edən proses zamanı əldə olunub.
Araşdırmada istifadə edilən üsul laboratoriyalarda tətbiq olunan ənənəvi Soxhlet metodu ilə müqayisədə daha az vaxt və enerji sərf etməklə nəticə verib. Yeni üsulla qəhvə çöküntüsündəki yağın təxminən 90 faizini əldə etmək mümkün olub.
Araşdırmanın diqqətçəkən tərəfi yalnız yağın yanacağa çevrilməsi deyil. Yağı çıxarıldıqdan sonra qalan qəhvə çöküntüsü də tullantı kimi kənara atılmayacaq.
Tədqiqatçılar onun tərkibindəki sellüloza, hemisellüloza və liqnin kimi maddələrin qorunmasına çalışıblar. Bu komponentlərdən bioetanol, süd turşusu və dayanıqlı aviasiya yanacağının istehsalında istifadə edilə biləcək xammallar əldə etmək mümkündür.
Tədqiqatçılardan Daniel Montané bildirib ki, məqsəd adətən tullantı hesab edilən materialları müxtəlif enerji mənbələrinə və biokimyəvi məhsullara çevirməkdir.
Araşdırmanın ağır nəqliyyat və elektrik enerjisinə keçidin çətin olduğu digər sahələrdə bərpaolunan yanacaq istehsalına töhfə verə biləcəyi qeyd olunur.
Naviqator yollardakı tıxacları necə müəyyən edir? – MARAQLI
Yeni şamlar avtomobilin mühərrik gücünü artırırmı? – ARAŞDIRMA
Bakının ən sıx dairəsi haradadır? - 25 yol hissəsi, 23 avtobus marşrutu keçir
Merkelin təyyarəsini doğrayaraq suvenir hazırladılar - FOTO
Daha bir şayiə: internet 4 ay kəsiləcək, bank hesabları bloklanacaq
ADY gecikən qatara görə sərnişinlərə hansı halda bilet pulunu qaytarır? – RƏSMİ
Bakı metrosunun tikintisində mühəndislərin qarşılaşdığı çətinlik nə olub? – TARİXİ FAKTLAR
Bloqer Fərid Rəsul Amerikada cərimələndi - ŞOK RƏQƏM - VİDEO
Çin markası müştərilərinə 13 min manat təzminat ödəyəcək – SƏBƏB isə...
Bu hava limanında TDT ölkələri üçün xüsusi keçid zonaları yaradıla bilər - EKSPERT
Zəngəzur dəhlizi üzərində dağları yarıb üç nəhəng tunel tikdilər – Ən son görüntülər - VİDEO












