Avtomobildə gizlədilən 6000 ədəd siqaret aşkar edildi

Qərb Ərazi Baş Gömrük İdarəsinin "Qırmızı Körpü" gömrük postunda Gürcüstandan idarə etdiyi "Mercedes-Benz D124" markalı avtomobillə gələn Azərbaycan Respublikasının vətəndaşı saxlanılıb və sorğu-sual olunub.

Dövlət Gömrük Komitəsindən Avtosfer.az-a verilən məlumatına görə vətəndaş idarə etdiyi nəqliyyat vasitəsində gömrük nəzarətindən gizlədilən və ya mütləq bəyan edilməli hər hansı predmetin olmadığını bildirib. Lakin kinoloji xidmət itinin tətbiqi ilə keçirilən yoxlama zamanı avtomobilin oturacaqlarının altında "KING" markalı 6000 ədəd siqaret aşkarlanıb.

Faktla bağlı araşdırma aparılır.

Gültən Qədirli