AZAL-dan ŞOK ENDİRİM - 100 manatdan ucuz biletlər satışa ÇIXARILDI – RƏSMİ

Artıq Bakıdan xarici ölkələrə daha ucuz qiymtlərə səfər etmək mümkündür.  

Avtosfer.az xəbər verir ki, bu barədə “AzTV”yə Azərbaycan Hava Yolları QSC-dən (AZAL) bildirib.  

Qurumun mətbuat katibi Nərmin Xəlilovanın sözlərinə görə, hazırda Azərbaycan Hava Yollarından ən populyar istiqamətlər üzrə - Tbilisi, İstanbul və Dubaya xüsusi aksiya həyata keçirilir. Bu təklif sərnişinlərə uçuşun rahatlığı və keyfiyyəti, eləcə də münasib qiymətlərdən istifadəsi üçün unikal imkanlar yaradır: 

“Xüsusi təklif cari ilin noyabrın 1-dən 2024-cü ilin 29 fevral tarixləri arasında biletlər üçün keçərlidir. Bu təklif məhdud saydadır və ona görə də sərnişinlərə aviabiletləri indidən bron etmək fürsətini qaçırmamağa çağırıram. Onu da qeyd edim ki, AZAL bu kimi təklif və aksiyaları gələcəkdə də davam etdirəcək”.  
Qeyd edək ki, sözügedən aksiya ilə bağlı biletlərin qiymətinin bir istiqamət üzrə təxminən 90-100 manat civarında olacağı deyilir.