"Azərbaycan Avrasiyanın mühüm nəqliyyat-logistika mərkəzlərindən biridir" - Əli Əsədov

Azərbaycan əlverişli coğrafi mövqeyi və müasir infrastrukturu sayəsində Avrasiyanın mühüm nəqliyyat-logistika mərkəzlərindən birinə çevrilib.
Avtosfer.az “Report”a istinadən xəbər verir ki, bunu Azərbaycanın Baş naziri Əli Əsədov Almatıda keçirilən Avrasiya Hökumətlərarası Şurasının iclasında bildirib.
Onun sözlərinə görə, Avrasiya İqtisadi İttifaqının (Aİİ) üzvləri və tərəfdaşları ilə əməkdaşlıq müxtəlif sahələrdə çoxsaylı qarşılıqlı faydalı layihələrlə zəngindir.
"Ticari-iqtisadi əməkdaşlığın davamlı müsbət dinamikası xüsusi məmnunluq doğurur. Ötən il Azərbaycanın Aİİ ölkələri ilə ticarət dövriyyəsinin həcmi 14 %-dən çox artıb. İnvestisiya əməkdaşlığı yüksələn xətlə inkişaf edir. Ölkələrimiz arasında böyük investisiya layihələri həyata keçirilir", - o bildirib.
Ə.Əsədov vurğulayıb ki, Azərbaycan iqtisadiyyatın müxtəlif sektorlarına qarşılıqlı investisiyaların səfərbər edilməsi məqsədilə Aİİ üzrə bəzi tərəfdaşlarla birgə investisiya fondları yaradıb və bu təşəbbüs artıq öz bəhrəsini verir.
"Ənənəvi olaraq nəqliyyat və tranzit sahəsində əməkdaşlığa böyük əhəmiyyət veririk. Avropa və Asiyanın qovşağında əlverişli coğrafi mövqeyi, həmçinin müasir infrastrukturu sayəsində Azərbaycan Avrasiyanın mühüm nəqliyyat-logistika mərkəzlərindən birinə çevrilib.
Azərbaycan ərazisindən Şərq-Qərb və Şimal-Cənub beynəlxalq nəqliyyat dəhlizləri keçir. Biz ərazimizdə bu nəqliyyat yollarının bütün komponentlərinin uğurlu fəaliyyətini təmin etmişik", - o qeyd edib.
Baş nazir həmçinin qeyd edib ki, Azərbaycan ərazisindən yük axını sabit templə artır. Ötən il tranzit daşımalarının həcmində 8 % artım olub.
"Yük axınının artım dinamikasını nəzərə alaraq, yuxarıda göstərilən dəhlizlərin gücünün artırılması istiqamətində fəal addımlar atırıq. Azərbaycan ərazisində dəmir yolu, avtomobil və liman infrastrukturunun təkmilləşdirilməsi ilə bağlı mütəmadi qaydada iş aparılır və biz bu infrastrukturu Aİİ-dəki tərəfdaşlarımıza öz tranzit ehtiyaclarını ödəmək üçün məmnuniyyətlə təqdim edirik", - Ə.Əsədov əlavə edib.
Orta Dəhlizin inkişafı Azərbaycanın tranzit imkanlarını necə dəyişəcək? – AÇIQLAMA
Ölkənin nəqliyyat sistemi növbəti yağışlara necə hazırlaşmalıdır? - AÇIQLAMA
Gürcüstanda avtomobil rüsumları artırılır: Azərbaycan bazarına təsiri necə olacaq? - AÇIQLAMA
Təcili yardımın arxası ilə gedən sürücülərə DİN-dən XƏBƏRDARLIQ - VİDEO
Səkilərdə piyadaların maneəsiz hərəkəti necə təmin edilməlidir? – TƏKLİF
Bu yollarda tıxac var - Sürücülərin NƏZƏRİNƏ!
İlham Əliyev Gürcüstanın baş nazirinin müavinini qəbul edib - FOTO
“Bədr müqaviləsi” ABŞ-ın hərbi sənaye bazarındakı mövqelərini zəiflədə bilər – POLİTOLOQ
Prezident Özbəkistanla iki sənədi təsdiqlədi
Dumanlı havada bu işıqları yandırmaq təhlükəlidir – XƏBƏRDARLIQ
Dağ yollarında avtobuslara məhdudiyyət qoyulmalıdırmı? – EKSPERT AÇIQLADI












