Azərbaycan separatçılara siyahı təqdim etdi - “Bakıya təhvil verin!”

Azərbaycan tərəfi bu gün Qarabağ ermənilərinin nümayəndələrinə siyahı təqdim edib və orada adları qeyd olunan şəxslərin Bakıya təhvil verilməsini tələb edib.

Bu barədə məlumatı Ermənistanın “Hraparak” qəzeti yayıb.

Məlumata görə, sözügedən siyahıda separatçı rejimin keçmiş “rəhbər”lərinin, hərbçilərin və məmurlarının adları var.

“Caliber”in məlumatına görə isə, bu siyahıda Birinci və İkinci Qarabağ müharibələri zamanı Azərbaycan ordusuna və dinc əhaliyə qarşı vəhşiliklər, eləcə də ağır cinayətlər törətmiş şəxslərin adlarının olduğunu ehtimal etmək olar. (qafqazinfo)