"Azərbaycanın donanmasına 2030-cu ilədək 30-dan artıq yeni nəsil təyyarə qoşulacaq" - Samir Rzayev

Azərbaycan hava məkanındakı aviasiya hərəkəti 2022-ci ildən bəri 80 %-dən çox artıb, tranzit uçuşların sayı isə ikiqat artaraq ölkənin qlobal aviasiya marşrutlarındakı əhəmiyyətini bir daha təsdiqləyib. Avtosfer.az xəbər verir ki, bunu “Azərbaycan Hava Yolları” QSC-nin (AZAL) prezidenti Samir Rzayev Bakıda keçirilən Beynəlxalq Hava Nəqliyyatı Assosiasiyasının (IATA) “Aviasiya Enerji Forumu 2025”də deyib.
Onun sözlərinə görə, ötən il AZAL 63 istiqamətə uçuş həyata keçirib və bu da 2022-ci ilin 27 istiqaməti ilə müqayisədə demək olar ki, iki dəfə çoxdur:
"Eyni dövrlər üzrə sərnişin sayında da iki dəfə artım olub. “Boeing”, “Airbus”, “AerCap” və “CDB Aviation” ilə yeni təyyarələrin alınması və lizinqi barədə müqavilələr imzalanıb, 2030-cu ilədək 30-dan artıq yeni nəsil təyyarə donanmamıza qoşulacaq".
S.Rzayev qeyd edib ki, 2024-cü ildə AZAL “Skytrax World Airline Awards 2024”ün “Mərkəzi Asiya və MDB üzrə ən yaxşı regional aviaşirkət” mükafatına layiq görülüb:
"Bu və qazandığımız digər mükafatlar təhlükəsizlik, xidmət və sərnişin məmnuniyyətində artan mükəmməlliyimizin sübutudur. Mərkəzimiz olan Heydər Əliyev Beynəlxalq Aeroportu şəbəkəsini 67 -dən 2024-cü ildə 81-ə çatdıraraq 7,5 milyon sərnişinə xidmət göstərir və səkkizinci dəfədir ki, Mərkəzi Asiya və MDB-də Ən Yaxşı Hava Limanı və ardıcıl üçüncü dəfə “Mərkəzi Asiya və MDB üzrə ən yaxşı hava limanı heyəti” mükafatlarını qazanıb. Liman həmçinin “Airport Carbon Accreditation” proqramı çərçivəsində 2-ci səviyyə sertifikatlaşdırılmasına nail olub".
İlham Əliyev Gürcüstanın baş nazirinin müavinini qəbul edib - FOTO
Prezident Özbəkistanla iki sənədi təsdiqlədi
Dumanlı havada bu işıqları yandırmaq təhlükəlidir – XƏBƏRDARLIQ
Dağ yollarında avtobuslara məhdudiyyət qoyulmalıdırmı? – EKSPERT AÇIQLADI
Bakının bir sıra yollarında tıxac yarandı
Tramp, Putin və Su Cinpin Çində görüşəcək; nələr müzakirə ediləcək? - POLİTOLOQ
Ağac avtomobilin və ya evin üzərinə aşanda zərəri kim ödəyəcək? – EKSPERTDƏN AÇIQLAMA
Küləkli havada sürücülər nələrə diqqət etməlidir? – MÜTƏXƏSSİS
Küləkdə ölüm və xəsarət olmaması üçün nə edək? – AÇIQLAMA
Həftəyə tıxacla başladıq
İlham Əliyevin sosial şəbəkə hesablarına kiberhücumlar müşahidə olunur












