“Azercell”in maşınına hücum olundu - 20 min manatı apardılar

“Azercell” şirkətinin avtomobili qarət olunub.

Avtosfer.az Unikal.org-a istinadən əldə etdiyi məlumata görə, hadisə Şəki şəhərinin Cəfərabad kəndi ərazisində qeydə alınıb.

Belə ki, “Azercell”ə məxsus, Rasim Muxtarzadənin idarə etdiyi “Ford” markalı avtomobillə arxadan gələn “VAZ 2106” markalı maşın toqquşub. “VAZ 2106”dan düşən naməlum şəxslər “Ford”da olan sürücü və sərnişin - “Azercell”in Şəki şəhərində diler mağazasının müdiri Cəlal Kərimova xəsarət yetirərək onun üzərində olan şirkətə məxsus təxminən 15-20 min manat pulu aparıblar.

Faktla bağlı Şəki Şəhər Polis şöbəsində araşdırma aparılır.

Qeyd edək ki, xəbəri ilk olaraq "mediapost.az" yayıb.