"Bakı Metropoliteni" könüllü yığıb
Gündəm
20 May 2015 13:05
Oxunub 1331
Bu gün könüllülərə təlim keçiriləcək
Gələn ay Bakıda keçiriləcək I Avropa Oyunları üçün “Bakı Metropoliteni” QSC-də bələdçilik edəcək könüllülərin qəbul prosesi başa çatıb. Artıq könüllülərin seçimi olub və dünəndən etibarən qeydiyyatı aparılıb.
Avtosfer.az xəbər verir ki, məsələ ilə bağlı "Bakı Metropoliteni" QSC-nin mətbuat xidmətinin rəhbəri Nəsimi Paşayev "report"a bildirib ki, bu gündən təlimlərə başlanılıb.
"Könüllülər əsasən tələbələrdir. Onlara ayrı-ayrı sahələr - təhlükəsizlik, metropolitendən istifadə qaydaları, Azərbaycan və Bakının tarixi, gəzməli yerlər haqqında məlumat veriləcək və təlimlər keçiriləcək. Təlimlər xüsusilə xarici qonaqların verə biləcəkləri suallarla bağlı olacaq", - deyə N.Paşayev bildirib.
Qeyd edək ki, təxminən 80 könüllü seçilib. Onlar metro stansiyalarının giriş və çıxışlarında, "Ask me" ("Məndən soruş") yazılı xüsusi geyimdə olacaqlar.
ŞƏRH YAZ
