Bakı-Qəbələ-Bakı sürət qatarı yenidən fəaliyyətə başladı - FOTO

 “Azərbaycan Dəmir Yolları”  Qapalı Səhmdar Cəmiyyəti mart ayının 18-dən etibarən Bakı-Qəbələ-Bakı marşrutu üzrə sərnişin daşımalarını həyata keçirəcək. Müvafiq  marşrut  üzrə biletlər martın 4-dən satışa çıxarılır. 
 
Bu münasibətlə bu gün Rəqəmsal İnkişaf və Nəqliyyat Nazirliyi, Azərbaycan İnvestisiya Holdinqi və ADY rəsmiləri, Dövlət Turizm Agentliyi, media nümayəndələri, nəqliyyat üzrə ekspertlər və səyahət blogerlərinin iştirakı ilə Bakı-Qəbələ qatarının rəmzi səfəri təşkil olunub. Qonaqlara yeni dəmir yolu xətti ilə paytaxtdan Qəbələyə və qonşu rayonlara qısa zaman kəsiyində rahat və təhlükəsiz şəkildə səfər etmək imkanı,  eləcə də Qəbələ dəmir yolu vağzalında yaradılmış müasir şərait və xidmətlərlə bağlı ətraflı məlumat verilib.