Bakıda qəzadan sonra maşın alovlandı, 2 nəfər yanıb öldü - FOTO - VİDEO

Avtosfer.az xəbər verir ki, qəzaya səbəb yüksək sürət olub. Hadisə zamanı ölənlər Şahin və Məmmədağa adlı şəxslərdir.

***

Bakının Xəzər rayonunda avtomobilin yanması ilə nəticələnən ağır yol-nəqliyyat hadisəsi olub. Avtosfer.az xəbər verir ki, qəza Binə qəsəbəsində baş verib. "Chevrolet", "Lifan" və "Ford" markalı avtomobillər toqquşub. Toqquşma nəticəsində "Lifan" markalı avtomobil yanıb. İlkin məlumata görə, yanan minik avtomobilində olan 2 nəfər yanaraq ölüb. Məlumat qəbul ediləndən dərhal sonra FHN-nin Dövlət Yanğından Mühafizə Xidmətinin yanğından mühafizə bölmələri çağırış üzrə cəlb olunub və yanğın söndürülüb.

Əraziyə polis əməkdaşları cəlb edilib.

Fakt araşdırılır.