Bakıda polislər gənc kişini ölümdən son anda xilas etdilər - VİDEO

Bu gün Bakı şəhəri, Xətai rayonu ərazisində polislər vətəndaşı ölümdən xilas ediblər.

Bu barədə hadisə şahidləri BAKU.WS-ə məlumat veriblər.

Verilən məlumata görə, bu gün Üzeyir Hacıbəyov küçəsində gənc kişinin halı pisləşib və o, qıc olaraq yerə yıxılıb. 

Ərazidə olan vətəndaşlar, eyni zamanda polislər həmin şəxsə ilkin yardım ediblər.

Daha sonra yol polisləri halı pisləşən şəxsi 99 YP 436 nömrə nişanlı yol polisi maşını ilə Neftçilər Xəstəxanasına aparıblar.

Həkimlərin müdaxiləsindən sonra qıc olan şəxs özünə gəlib.