Bəzi küçələrdə nəqliyyatın hərəkəti məhdudlaşdırılır

Bu gün Biləcəri qəsəbəsinin bəzi küçələrində və Böyükşor yol qovşağında qismən nəqliyyat vasitələrinin hərəkəti bir-neçə saatlıq məhdudlaşdırılır.

Avtosfer.az xəbər verir ki, bu barədə Nəqliyyat Nazirliyi “Azəryolservis” ASC-dən verilən məlumata görə, göstərilən ərazidə məhdudlaşdırma Bakı şəhərində nəqliyyat vasitələrinin hərəkətinin tənzimlənməsi məqsədi ilə yol cizgiləri xətlərinin, piyada keçidlərinin və yolgöstərici xətlərin yenidən rənglənməsi səbəbindən saat 11:00-dan axşam saat 17:00-dək tətbiq edilir.

Tərtib olunmuş qrafikə əsasən, Biləcəri qəsəbəsinin Natəvan, Ordubadi, Ə.Qasımov və Y.Hüseynov küçələrində saat 11:30-da, Böyükşor yol qovşağında  yolun hərəkət hissəsinin üfüqi nişanlanma xətlərinin rənglənməsi işləri saat 12:00-da başlanılacaq.

Sürücülərdən göstərilən müddət ərzində alternativ yollardan istifadə etmələri tövsiyə olunur.