Birinci Qarabağ müharibəsində itkin düşənlərdən 267 nəfəri qadındır

"Birinci Qarabağ müharibəsi nəticəsində qaçqın və məcburi köçkün düşmüş bir milyona yaxın soydaşımızın 52 faizini qadınlar təşkil edib. Müharibə dövründə itkin düşmüş 4 minə yaxın soydaşımızdan 267 nəfəri qadındır".

Avtosfer.az xəbər verir ki, bunu Azərbaycan Qadınlarının VI Qurultayının açılış mərasimində ombudsman Səbinə Əliyeva deyib. O bildirib ki, qadınlar müharibədə ağır işgəncələrə məruz qalıb:

“Bu bir həqiqətdir ki, baş verən bütün silahlı münaqişələr, müharibələr, təbii fəlakətlər zamanı ən böyük çətinlik məhz həssas təbəqələr kimi qadın və uşaqların üzərinə düşür. Bu mənada həm Birinci və İkinci Qarabağ müharibələri illərində, həm 30 illik işğal dövründə, hazırda isə azad olunmuş ərazilərimizdə aparılan geniş bərpa-quruculuq prosesində Azərbaycan qadınları öz missiyasını layiqincə yerinə yetiriblər və yetirirlər".