Bütün hərəkətimizi izləyəcəklər - VİDEO

“Avropa Oyunlar zamanı hər kəs ictimai nəqliyyatdan - Bakıya gətirilən ekspress marşurutlardan, taksilərdən istifadə etsin!”. 

Avtosfer.az anspress-ə istinadən xəbər verir ki, bu çağırışı "Günə Baxan"nın qonağı olan Nəqliyyat Nazirliyinin İctimaiyyətlə əlaqələr şöbəsinin rəhbəri Namiq Həsənov deyib. 

N.Həsənov oyunlarla bağlı paytaxtda görülən işlərdən bəhs edib. 

Onun sözlərinə görə, paytaxtda avtobus, taksi park yenilənib, yeni 1263 nəfərlik sürücü bazası hazırlanıb, piyada keçidləri tikilib, yollarda təmir işləri aparılıb. 

“Nəqliyyatın İntellektual İdarəetmə Mərkəzində bir qərargah yaradılması planlaşdırılır. Bu qərərgah vasitəsilə bütün hərəkətlər 53 ədəd ikitərfli monitorlar vasitəsilə izləniləcək. Bu monitorlarda sürücü bir dəfəyə 5 əməliyyatı görə biləcək: temperatur, hava, orta sürət həddi və yolun haraya apardığını". 

Avropa Oyunlarına gedən hər kəsin hərəkəti kameralar vasitəsilə nəzarət altında olacaq. Bu hərəkətlər tək NİİM-dən yox, həmçinin bir neçə yerdən izləniləcək. 

Namiq Həsənov bir daha vurğulayıb ki, 9 metrostansiyanın çıxışında yalnız əllərində bilet olan şəxslər ekspress marşurutlar vasitəsilə oyun meydançalarına gedə biləcəklər. 

Qeyd edək ki, I Avropa Oyunları iyunun 12-dən başlayacaq. Oyunlar ayın 28-nə kimi davam edəcək.