COVID-19 pandemiyası yenidən başlaya bilər – Azərbaycanda vəziyyət necədir?

Ümumdünya Səhiyyə Təşkilatının (ÜST) baş katibi Tedros Adhanom Qebreyesus ötən gün COVID-19 pandemiyasının hər an yendiən alovlana biləcəyini qeyd edib.
"Pandemiya və ya növbəti dəfə qlobal sağlamlıqla bağlı fövqəladə vəziyyət başlana bilər. 2019-cu ildə də belə oldu", - deyə o əlavə edib.
Bəs Azərbaycanda vəziyyət necədir? Pandemiyanın yenidən alovlanmasının qarşısı necə alınacaq?
Səhiyyə Nazirliyinin mütəxəssis-eksperti infeksionist Vasif Əliyev Trend-in suallarını cavablandırarkən qeyd edib ki, pandemiyanın yenidən alovlanması bir ehtimaldır.
"Çünki qarşıdan soyuq aylar gəlir. Ümumiyyətlə payız və qış ayları respirator infeksiyaların artması üçün uyğun bir şəraitdir. Qapalı məkandan daha çox istifadə, ictimai nəqliyyatda təmaslar bu infeksiyaların yayılmasına daha çox səbəb olur. ÜST bu baxımdan bir anons verib. Amma düşünmürəm ki, ciddi bir vəziyyət var. Çünki dünyada yoluxma və ölüm hallarının sayında cidi bir artım yoxdur.
Azərbaycanda da təhlükəli vəziyyət yoxdur. Təbii ki, istənilən halda sadəcə koronavirusa görə yox, bütün infeksiyalardan qorunmaq üçün şəxsi gigiyenaya diqqət etməli, ara məsafəsi saxlamalıyıq. Ümumlikdə isə pandemiya ilə bağlı ciddi bir təhlükə yoxdur. Yenə də bu, bugün üçün məlumatlardır. Qarşıdakı həftə və aylarda mövcud vəziyyətdə dəyişiklik olarsa, zamanında məlumat veriləcək", - deyə V.Əliyev bildirib.
Qeyd edək ki, Azərbaycanda son 1 həftə ərzində (23-29 oktyabr) koronavirus (COVID-19) infeksiyasına 95 yeni yoluxma faktı qeydə alınıb. Ölkədə son həftə ərzində vaksinasiya olunmayıb.
Azərbaycanda bu günə qədər vurulan vaksinlərin ümumi sayı isə 13 969 897 olub.
Prezidentin Vyetnama səfəri başa çatdı - VİDEO
Sürücülərin nəzərinə! - Yollarda görünüş məsafəsi məhdudlaşacaq
Tıxacın qarşısını almaq üçün təklif də vermişik, icra olunsa...
DİN vəkil Orxan Kəngərli və digərlərinin həbsi ilə bağlı məlumat yaydı - VİDEO
Prezidentlər Birgə Bəyanat qəbul etdilər - FOTOLAR
Dövlət qulluğu imtahanı ilə bağlı nələr dəyişəcək? – RƏSMİ AÇIQLAMA
Güclü yağışlardan sonra sürüşmə təhlükəsi: Riskli ərazilərə kim nəzarət etməlidir? - AÇIQLAMA
2026-cı ilin 9 ayında büdcədə yaranan profisiti növbəti ilin kəsrinə yatırmaq olar? - RƏY
Magistralların kəsişdiyi nöqtə: Xırdalan dairəsində niyə tıxac yaranır? – ARAŞDIRMA
Prezident Hanoyda “İnqilab şəhidləri” abidəsini ziyarət etdi - FOTOLAR
Tıxac olan yolların SİYAHISI











