Əfqanıstanda intiharçı-terrorçu özünü partlatdı: azı 5 ölü, 11 yaralı

Əfqanıstanda baş verən partlayış nəticəsində azı 5 nəfər həlak olub. Avtosfer.az xəbər verir ki, insident paytaxt Kabildə törədilib. Bu barədə “1TV” telekanalı məlumat verib.

Ölkənin Daxili İşlər Nazirliyinin rəsmi nümayəndəsi Nüsrət Rəhiminin sözlərinə görə, hadisə intiharçı-terrorçu tərəfindən Fəhim marşal adına Milli Müdafiə Universitetinin əsas girişində törədilib.

Telekanalın məlumatına görə, ölənlərin 3-ü əfqan hərbçisi, ikisi mülkü şəxsdir. Daha 11-i isə təcili tibbi yardım briqadasının köməkliyi ilə xəstəxanaya çatdırılıb.

Partlayışı hələ heç bir qruplaşma öz üzərinə götürməyib.

Namiq Musayev