İsmayıllıda ağac aşması nəticəsində bağlanan magistral yol açıldı - YENİLƏNİB

İsmayıllı rayonunda iri gövdəli ağacın aşması nəticəsində bağlanan Muğanlı-İsmayıllı yolunda yaranan problem aradan qaldırılıb.

APA-nın xəbərinə görə, ağac yoldan götürülüb.

Yolda hərəkət bərpa olunub.

***

İsmayıllı rayonunda iri gövdəli ağac aşaraq Muğanlı-İsmayıllı yolunu bağlayıb.

Avtosfer.az-ın xəbərinə görə, bu gün səhər saat 10:30 radələrində Talıstan kəndi ərazisində, Muğanlı-İsmayıllı yolunun kənarındakı iri gövdəli ağaclardan biri aşıb.

Nəticədə yolun hər iki hərəkət zolağı bağlanıb. Yolda nəqliyyatın hərəkəti dayanıb, yüzlərlə avtomobil yolda qalıb. Hazırda yolun açılması üçün tədbirlər görülür.

APA