İsrail ordusu HƏMAS silahlılarını zərərsizləşdirmək üçün Qəzza zolağına daxil olub

İsrail ordusu HƏMAS silahlılarını zərərsizləşdirmək üçün Qəzza zolağına daxil olub.

Bu barədə İsrail Müdafiə Ordusu məlumat yayıb.

Bildirilib ki, Qəzza zolağına daxil olan hərbçilər həmçinin HƏMAS-ın əsir və girov götürdüyü israillilərin axtarışına kömək edə biləcək maddi sübutlar da tapıb.

***

İsrail Müdafiə Ordusu Qəzzanın şərqində əməliyyatlara başlayıb.

Bu barədə “Əl-Cəzirə” telekanalı məlumat yayıb.

Bildirilib ki, İsrail ərazidə tanklarla əməliyyat keçirir. Artıq Əl-Şücayyə bölgəsi atəşə tutulub.

Zərərçəkənlər barədə məlumat hələ ki yoxdur.

Xatırladaq ki, oktyabrın 7-də səhər saatlarında İsrail ərazisi Qəzza zolağından raket atəşinə tutulub. Son məlumatlara görə, 1 300 nəfər ölüb, 3 300 nəfər yaralanıb. İsrail ordusu "müharibə hazırlığı vəziyyəti" elan edib və cavab olaraq "Dəmir Qılınclar" əməliyyatına başladığını açıqlayıb.

(report)