Kaliforniyada şəhərlər arası avtobusda silahlı insident: 1 ölü, 5 yaralı - VİDEO

ABŞ-ın Kaliforniya ştatında avtobusda baş verən silahlı insident nəticəsində 1 nəfər qadın ölüb, daha 5-i isə xəsarət alıb. Avtosfer.az xəbər verir ki, hadisə bu gün səhər saatlarında Los-Ancelesdən San-Fransiskoya gedən sərnişin avtobusunda qeydə alınıb. Bu barədə “CBS News” telekanalı məlumat verib.

Məlumata görə, insidenti törədən şəxs saxlanılıb. Yaralılardan bəzilərinin vəziyyəti ağır olduğundan tibbi vertolyotla xəstəxanaya çatdırılıblar.

Bildirilir ki, avtobusun salonunda 40-a yaxın insan olub.

Digər təfərrüatlar barədə məlumat verilmir.

Hazırda polis əməkdaşları hadisənin baş vermə səbəblərini araşdırır.

Namiq Musayev