Metroda 1 nəfər özünü qatarın altına atdı - VİDEO

Bakıda metrosunda özünü qatar yoluna atan şəxsin kimliyi məlum olub. Oxu.az xəbər verir ki, həmin şəxs polis əməkdaşları tərəfindən 1 saylı şəhər Kliniki Xəstəxanasına aparılıb. Əldə etdiyimiz məlumata görə, sözügedən şəxs 1988-ci il təvəllüdlü Şükürov Tural Sahib oğludur.  Baş gicəllənməsi ilə həkimə müraciət edən T.Şükürov bildirib ki, özünü stansiya yoluna atmaq fikri olmayıb. Hadisə onun müvazinətini itirməsi nəticəsində baş verib.  

İlkin müayinədən sonra onun evə buraxılacağı bildirilib. 

***

Bakı metrosunda daha bir həyəcanlı an yaşanıb. Bu haqda Avtosfer.az-a Bakı Metropoliteni Qapalı Səhmdar Cəmiyyətinin mətbuat xidmətinin rəhbəri Bəxtiyar Məmmədov deyib. Onun sözlərinə görə, hadisə bu dəqiqələrdə metronun "Nəriman Nərimanov" stansiyasında baş verib. Qatar stansiyaya yaxınlaşarkən bir nəfər özünü qatar relsinə atıb. Maşinist dərhal qatarı saxlayıb. Xətt cərəyandan ayrılıb və həmin şəxs qatar yolundan çıxarılaraq polisə təhvil verilib. Hadisə nəticəsində qatarların ümumi intervalında 10 dəqiqə gecikmə olub".