Milli Məclisdə gələn ilin dövlət büdcəsinin müzakirələri başlayıb

Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında "2024-cü ilin dövlət büdcəsi haqqında" qanun layihəsi I oxunuşda müzakirəyə çıxarılıb.

Avtosfer.az-ın xəbərinə görə, toplantıda deputatlar, parlamentdə təmsil olunan siyasi partiyaların rəhbərləri, hökumət nümayəndələri iştirak edirlər.

Layihəni Milli Məclisin İqtisadi siyasət, sənaye və sahibkarlıq komitəsinin sədri Tahir Mirkişili təqdim edir.

Qeyd edək ki, 2024-cü il dövlət büdcəsinin gəlirləri 34 173 000,0 min manat, xərcləri 36 763 000,0 min manat (o cümlədən, mərkəzləşdirilmiş gəlirləri 33 399 895,0 min manat, yerli gəlirləri 773 105,0 min manat, mərkəzləşdirilmiş xərcləri 35 980 547,0 min manat, yerli xərcləri 782 453,0 min manat) məbləğində müəyyən edilib.