“Narita” aeroportunda yeni uçuş-enmə zolağı inşa olunacaq

Yaponiya hökuməti Tokio yaxınlığında yerləşən “Narita” beynəlxalq aeroportunda üçüncü uçuş-enmə zolağının inşası və digər iki zolağın genişləndirilməsi barədə layihəni bəyənib. Avtosfer.az Azərtac-a istinadən xəbər verir ki, aeroportun rəhbəri Akihiko Tamura bununla əlaqədar lisenziyanı yanvarın 31-də Milli Torpaqlar, İnfrastruktur, Nəqliyyat və Turizm Nazirliyindən götürüb. Layihənin 2029-cu ildə başa çatdırılmasından sonra Yaponiyanın bu ən böyük aeroportunda uçuş-enmə tezliyinin 70 faiz artacağı və ildə 500 minə çatacağı bildirilir.