Ödənişli yola qoyun sürüsü çıxıb? - AÇIQLAMA - VİDEO

Bakı-Quba istiqamətində yeni istifadəyə verilən ödənişli yoldan görüntülər yayılıb.
Belə ki, yoldan istifadə edənlər bu barədə sosial şəbəkələrdə paylaşım edirlər. Paylaşımlardan birində, ödənişli yolda sürətlə hərəkət edən nəqliyyat vasitəsinin qarşısına qoyun sürüsünün çıxdığı iddia edilir.
Hər tərəfdən bağlı olan yola heç bir canlının daxil ola bilmədiyi halda, qoyunların yola necə çıxdığı sual doğurur. Sürücü deyir ki, həddən artıq yüksək sürətlə getdiyi yolda qarşısına qoyun sürüsü çıxıb:
“Yolun iki tərəfdən bağlı olduğunu görürəm. Amma bu qoyunlar yola haradan girib bilmirəm”.
Digər görüntülər isə axşam saatlarında ödənişli yoldan istifadə edən sürücü tərəfindən paylaşılıb. Görüntülərdə yol boyu işıq dirəklərinin olmaması diqqət çəkib.
Ümumiyyətlə, ödənişli yola süni maneələrin haradan və necə çıxması, axşam saatlarında sürücülərin rahat hərəkəti üçün niyə işıq dirəklərinin olmaması ilə bağlı suallarımızı Azərbaycan Avtomobil Yolları Dövlət Agentliyinə (AAYDA) ünvanladıq.
Avtosfer.az oxu.az-a istinadən xəbər verir ki, qurumun mətbuat xidmətinin rəhbəri Anar Nəcəfli cavab olaraq bildirib ki, sözügedən görüntülərin ödənişli yola aid olduğunu demək çətindir:

“Ödənişli yola qoyun sürüsünün çıxması ilə bağlı fakta rast gəlməmişik. Bu cür hallar Ələt-Astara yolunda tez-tez olur. Çünki orada yol kənarı məftilli torlarla bağlanıb, camaat məftilləri kəsib sürünü yol kənarına buraxır”.
Ödənişli yolda işıq dirəkləri ilə bağlı sualı cavablandıran mətbuat katibi deyir ki, yolun tam işıqlandırılması nəzərdə tutulmayıb:
“Yolda işıqlandırma yalnız yol qovşaqlarında nəzərdə tutulub, tam yolboyu yox. Ümumi yol üçün yol kənarında elementlər, yol nişanları, aidiyyəti üzrə yol qurğuları, xətlənmələr, yol ayrıclarında olan nişanlar hamısı işıqqaytarma effektinə malikdir. Gecə nəqliyyat vasitələri bu yolda çox rahat şəkildə hərəkət edə bilirlər. Yol hər bir tərəfdən bağlı olduğu üçün heç bir təhlükə də yoxdur. Həmin yolun tam işıqlandırılması nəzərdə tutulmayıb. Qaranlıq saatlarda belə yolda heç bir təhlükə yoxdur”.
Prezidentin Vyetnama səfəri başa çatdı - VİDEO
Sürücülərin nəzərinə! - Yollarda görünüş məsafəsi məhdudlaşacaq
Tıxacın qarşısını almaq üçün təklif də vermişik, icra olunsa...
DİN vəkil Orxan Kəngərli və digərlərinin həbsi ilə bağlı məlumat yaydı - VİDEO
Prezidentlər Birgə Bəyanat qəbul etdilər - FOTOLAR
Dövlət qulluğu imtahanı ilə bağlı nələr dəyişəcək? – RƏSMİ AÇIQLAMA
Güclü yağışlardan sonra sürüşmə təhlükəsi: Riskli ərazilərə kim nəzarət etməlidir? - AÇIQLAMA
2026-cı ilin 9 ayında büdcədə yaranan profisiti növbəti ilin kəsrinə yatırmaq olar? - RƏY
Magistralların kəsişdiyi nöqtə: Xırdalan dairəsində niyə tıxac yaranır? – ARAŞDIRMA
Prezident Hanoyda “İnqilab şəhidləri” abidəsini ziyarət etdi - FOTOLAR
Tıxac olan yolların SİYAHISI












