Onu tərk edən sevgilisinin avtomobilini yandırdı - VİDEO

Türkiyənin Adana vilayətində şəxs onu tərk edən sevgilisinin avtomobilini yandırıb. Avtosfer.az yerli KİV-ə istinadən xəbər verir ki, insident Yüreğir rayonunun Yavuzlar məhəlləsində baş verib.

İddialara görə, 38 yaşlı Mahmud Ç. bir müddət əvvəl 34 yaşlı Əsra Ç. ilə sevgili olublar. Ancaq Əsra Ç. daha sonra Mahmud Ç. ilə xasiyyətləri uyğun gəlmədiyini deyərək ondan ayrılıb.

Bu ayrılığı heç cür qəbul edə bilməyən Mahmud, davamlı Əsranın qarşısını kəsərək onunla yenidən sevgili olmasını istəyib. Lakin bu dəfədə ondan rədd cavabı alan Mahmud, gecə Əsranın evinin qarşısına gələrək ona məxsus avtomobilin üzərinə benzin töküb yandırıb.

Yanğını fərq edən vətəndaşlar yanğınsöndürmə briqadalarına xəbər veriblər.

Hadisə yerinə gələn yanğınsöndürmə bölmələri alovu söndürüblər.

Yanğın söndürülsə də avtomobilə maddi ziyan dəyib.

Bundan sonra Əsra Ç. hadisə ilə bağlı polis şikayətlə müraciət edib. Şübhəli qısa müddət sonra polis əməkdaşları tərəfindən yaxalanıb.

Bölməyə gətirilən Mahmud ifadəsində, Əsranı çox sevdiyini ancaq buna baxmayaraq ondan ayrıldığını, bu səbəblə də ondan hayıf  çıxmaq üçün avtomobili yandırdığını və buna görə də  peşman olmadığını bildirib.

İfadəsinin ardından o, növbətçi məhkəməyə çıxarılıb. Hakim Mahmud Ç-yə ev həbsi cəzası verərək onu sərbəst buraxıb.

Namiq Musayev