Prezident din müşavirinə “Mercedes” bağışladı

Türkiyə prezidenti din müşavirinə edəcəyi sürprizin nə olduğunu açıqlayıb. Avtosfer.az anspress-ə istinadən xəbər verir ki, Türkiyə prezidenti Rəcəb Tayyib Ərdoğan iqtidaryönümlü özəl telekanalların canlı efirində bir sıra sualları cavablandırıb. 

Gündəmlə bağlı qaranlıq məqamlara aydınlıq gətirən prezident, həmçinin Adıyamanda Nisibi körpüsünün açılışı vaxtı Türkiyənin Diyanət İşləri İdarəsinin rəhbəri Mehmet Görməzə vəd etdiyi hədiyə sözünə də toxunub. 

“Diyanət İşləri İdarəsinin rəhbərinə edilən nəzakətsizliyə bir jest hərəkəti olaraq, köşk tərəfindən zirehli “Mercedes” veriləcək”, – deyə R.T.Ərdoğan bildirib.

Xatırladaq ki, bir meddət əvvəl M.Görməzin 1 milyonluq avtomobil sürdüyü ilə bağlı əsassız xəbərlər yayılmışdı.