Qardaşlar içki məclisində döyüldülər - Bakıda

Bakıda içki məclisi kütləvi dava ilə nəticələnib. Avtosfer.az-ın "Report"a istinadən məlumatına görə, hadisə Sabunçu rayonunda baş verib. Ramana qəsəbəsindəki kafelərdən birində bir qrup gənc arasında mübahisə yaranıb. Mübahisə dava ilə nəticələnib. Hadisə nəticəsində 1994 cu il təvəllüdlü Səfərov Amit Nadir oğlu, qardaşı, 1991-ci il təvəllüdlü Səfərov Ramit Nadir oğlu və onun həmyaşıdı, 1991-ci il təvəllüdlü Qarayev Ceyhun Sahib oğlu döyülərək xəsarət alıblar. Yaralılar təcili tibbi yardım briqadasının köməkliyi ilə xəstəxanaya çatdırılıb.