Qəsdən adam öldürməkdə şübhəli bilinən şəxs həbs edilib

Qəsdən adam öldürməkdə şübhəli bilinən paytaxt sakini həbs edilib. Daxili İşlər Nazirliyinin (DİN) Mətbuat xidmətindən Avtosfer.az-a verilən məlumata görə, fevralın 8-də saat 23 radələrində Bakı şəhər sakini Bəxtiyar Əliyevin kəsilmiş-deşilmiş xəsarətlə xəstəxanaya gətirilməsi və orada ölməsi barədə Xətai RPİ-nin 36-cı Polis Bölməsinə məlumat daxil olub. Dərhal rayonun polis və prokurorluq orqanlarının əməkdaşları tərəfindən müvafiq tədbirlər həyata keçirilib. Təxirəsalınmaz istintaq və əməliyyat-axtarış tədbirləri nəticəsində qəsdən adam öldürməkdə şübhəli bilinən paytaxt sakini İ.Ağasənov saxlanılıb.

Namiq Musayev