Rusiyada rezin zavodunda dəhşətli partlayış: 5 ölü, 3 yaralı - FOTO

Rusiyanın Orlov əyalətində rezin məhsulları zavodunda baş verən partlayış nəticəsində 5 nəfər ölüb, 3 nəfər isə xəsarət alıb. Avtosfer.az yerli KİV-ə istinadən xəbər verir ki, insident yanvarın 31-də səhər saatlarında Mçensk şəhərində qeydə alınıb.

Məlumata görə, partlayış rezin zavodunda tikilməkdə olan sexdə baş verib və nəticədə 200 kvadrat metrlik tavan uçub.

Bildirilir ki, ölən və xəsarət alanların hamısı Türkiyə vətəndaşlarıdır.

Faktla bağlı cinayət işi açılıb, araşdırmalar aparılır.

Namiq Musayev