Səkini işğal edən sürücü piyadaları qəzəbləndirdi - FOTO

Piyadalar üçün nəzərdə tutulmuş ərazidə avtomobilini saxlayan sürücü insanların hərəkətinə çətinlik yaratdı.
Avtosfer.az xəbər verir ki, piyadaların şikayətinə səbəb olan görüntülər dünən günorta saatlarında qeydə alınıb. Fotoşəkillərdən aydın olduğu kimi “Ravon”markalı, 99-PD-359 dövlət nömrə nişanlı avtomobilin sürücüsü 28 Mall yaxınlığında, daha dəqiq desək Füzuli küçəsində yerləşən Kapital Bankın önündəki səkini şəxsi avtodayanacağına çevirib. Nəticədə insanların həmin ərazidən istifadəsini məhdudlaşdıran sürücü uzun müddət avtomobilini burada saxlayıb.
Son zamanlarda bir-birindən geri qalmayaraq dayanma-durma qaydasına əməl etməyən sürücülər üçün bir daha qeyd edək ki, İnzibati Xətalar Məcəlləsinin 346-cı maddəsinə görə 20 manat cərimə ödəmək məcburiyyətindədirlər. 

Nərmin Əkbər