Tanzaniyada kilsədə faciə: azı 20 ölü

Tanzaniyada kilsədə keçirilən məşhur ayin zamanı faciə baş verib. Avtosfer.az xəbər verir ki, insident fevralın 1-də Moşi şəhərindəki evangelist xristian kilsəsində baş verib. Bu barədə “AFP” məlumat verib.

Məlumata görə, izdiham pastor Bonifaçiya Mvamposın yerə yağ dağıdaraq onu müqəddəs elan etməsi ilə başlayıb. Pastor və dindarların fikrincə, həmin yağ xəstəlikləri sağalda bilir.  

Şəhər polis idarəsinin komissarı Kippi Variobiyanın sözlərinə görə, insanlar şəfa tapmaq ümidi ilə “müqəddəs yağ”ı üzərlərinə çəkməyə çalışıblar və qarışıqlıq yaranıb.

Nəticədə azı 20 nəfər dünyasını dəyişib, bir neçə nəfər də xəsarət alıb.

O, ölənlərin artacağını da istisna etməyib.

Namiq Musayev