Tramvayların paradı - VİDEO

Moskva tramvay paradı təşkil olunan nadir dünya şəhərlərdən biri, bəlkə də yeganəsidir. Avtosfer.az atv.az-a istinadən xəbər verir ki, Rusiya paytaxtının buna mənəvi haqqı var. Moskvada İlk tramvay xətti nə az-nə çox, düz 116 il bundan öncə, çar Rusiyası dövründə istifadəyə verilib.

O zamanlar bu konkilər atlarla hərəkətə gəitirlilirmiş. Paradda yarandığı gündən bu günə kimi, bu estetik şəhər nəqliyyatının keçdiyi inkişaf yolunu aydın görmək olar. At arabalarından az fərqlənən konkilərdən, müasir kondisionerli, səssiz qatarlara kimi, maraqlı, təkrarolunmaz bir tarix.

Parkın bir tərəfində köhnə artıq tarixdə öz yerini tutmuş, digər tərəfində isə müasir görünüşlü, yeni istehsal edilmiş tramvaylar sərgilənirdi. Parada tamaşaya gələnlərin axını da sanki, bu prinsiplə tənzimlənirdi. Yaşlılar, köhnələrə tərəf tələsir, keçmişə səyahət etmək istəyirlər. Gəncləri isə yaxın illərdə şəhərdə görə biləcəkləri yeni tramvaylar cəlb edirdi.

Amma Moskva tramvayı sakinlərin nostalji hisləriylə razılaşmaq fikrində deyil. O, sürətlə dəyişir, müasirləşir. Moskva şəhər rəhbərliyi 2016-cı ildə Avropada ekoloji cəhətdən ən təmiz tramvay və trolleybuslarından istifadə etməyi qarşısına məqsəd qoyub.