Türkiyədə oğlan keçmiş sevgilisini küçədə güllələdi - FOTO

Türkiyənin İzmir vilayətində keçmiş sevgilisini tapança ilə vuran şəxs saxlanılıb. Avtosfer.az yerli KİV-ə istinadən xəbər verir ki, insident Yenigün məhəlləsində baş verib.

Məlumata görə, işə getmək üçün evdən çıxan 38 yaşlı S.B., küçədə getdiyi zaman keçmiş sevgilisi ilə qarşılaşıb. Bundan sonra naməluma səbəblərdən aralarında mübahisə yaşanıb və oğlan sevgilisi üzərində gəzdirdiyi tapançanı çıxararaq ona bir neçə əl atəş açıb. Güllə xəsarətləri alan qadın yerə yıxılıb, oğlan isə hadisə yerindən qaçıb.

Ətrafdakı insanların çağırışı ilə hadisə yerinə polis və təcili tibbi yardım briqadasının əməkdaşları gəlib.

Ağır yaralanan S.B., xəstəxanaya aparılaraq reanimasiya şöbəsinə yerləşdirilib.

Ərazidəki təhlükəsizlik kameralarını araşdıran polis, cinayət törədən sevgilini yolda gedərkən yaxalayıb.

Bölməyə gətirilən şəxsin sorğusu davam etdirilir.

Namiq Musayev