Yasamalda qadına qarşı soyğunçuluq edilib

Bakıda soyğunçuluq hadisəsi baş verib. Avtosfer.az-ın “Report”a istinadən xəbərinə görə, hadisə yanvarın 26-da, saat 13 radələrində, paytaxtın Yasamal rayonu, Moskva prospektində qeydə alınıb.

Belə ki, naməlum şəxs 1981-ci il təvəllüdlü F.Məmmədovanın mobil telefonunu soyğunçuluq yolu ilə ələ keçirib. Daha sonra qadın hüquq-mühafizə orqanları əməkdaşlarına müraciət edib.

Yasamal Rayon Polis İdarəsinin 29-cu Polis Şöbəsi əməkdaşlarının keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən Bakı şəhər sakini, 1998-ci il təvəllüdlü Elgün Hacıyev müəyyən edilərək saxlanılıb.

Faktla bağlı araşdırma aparılır.