Yaşar Seyidov qəza haqqında hadisəni uydurub

“Bakı” klubunun icraçı direktoru Yaşar Seyidovun adı növbəti dəfə xoşagəlməz hadisədə hallandı. Avtosfer.az oxu.az-a istinadən xəbər verir ki, bu dəfə onun yalanı aşkar edilib.  

Dünən Zaqatalada “Simurq” və “Bakı” dublyor komandalarının görüşü olmalı idi. Amma “Bakı” futbolçuları Zaqatalaya gəlməyiblər.

“Bakı”nın icraçı direktoru Yaşar Seyidovdan PFL-a (Peşəkar Futbol Liqası) futbolçuların Şamaxı yolunda qəzaya uğradıqları barədə məlumat daxil olub. Daha sonra isə Seyidovun bu məlumatı “Bakı”nın 0:3 texniki məğlubiyyəti almaması üçün uydurduğu aşkarlanıb.

Ehtiyatçıların baş məşqçisi Məqsəd Yaqubəliyev bəyan edib ki, maliyyə problemləri ucbatından futbolçular Zaqatalaya gələ bilməyiblər.

“Bakı” 0:3 texniki məğlubiyyəti alacaq.

Xatırladaq ki, daha öncə Yaşar Seyidov əsas komandanın baş məşqçisi İbrahim Uzunca ilə mübahisə etmişdi.