Bakıxanovda yolu qaçaraq keçən yaşlı kişi moto sürücünü özündən çıxardı - VİDEO

Paytaxtın Sabunçu rayonu, Bakıxanov qəsəbəsində qayda pozan piyada kameraya düşüb.

Avtosfer.az-ın məlumatına görə, hadisə bir neçə gün öncə günorta saatlarında qeydə alınıb. Videodan göründüyü kimi, yolun hərəkət hissəsindən keçən yaşlı kişi sürücülərə təhlükə yaradıb. Xoşbəxtlikdən piyadanı görən 90-JC-796 dövlət nömrə nişanlı “Ford Transit” markalı yük maşınının sürücüsü nəqliyyat vasitəsini saxlayaraq ona yol verib. Onu son anda görən motosiklet sürücüsü isə öncə piyadaya, ardınca yük maşınının sürücüsünə iradını bildirib.

Qeyd edək ki, hadisənin baş verdiyi ərazidən bir neçə metr kənarda keçid mövcuddur. Lakin buna baxmayaraq bəzi piyadalar həm özlərinə, həm də sürücülərə qəza riski yaratmağı seçirlər. 

Nərmin