Beliz səmasında dəhşət: Təyyarədə atışma, bıçaqlanma yaşandı

Beliz səmasında dəhşət yaşanıb. Belə ki, Akinyela Sava Teylor adlı amerikalı Korosal şəhərindən San-Pedroya uçan "Tropic Air" aviaşirkətinin sərnişin təyyarəsini qaçırmağa cəhd edib.

Avtosfer.az-ın verdiyi məlumata görə, bu barədə "ABC News" xəbər yayıb.

Bildirilir ki, Teylor uçuşdan əvvəl insanları bıçaqla hədələyərək təyyarəni ələ keçirib. O, ölkədən çıxarılmasını istəyib və təyyarə üçün daha çox yanacaq tələb edib.

Lakin hadisə gözlənilməz şəkildə dəyişib. Atəş açmaq lisenziyası olan bir sərnişin Teyloru sinəsindən güllələyərək ölümcül yaralayıb. Bundan başqa, üç belizli sərnişin bıçaq yaraları alıb.

Polisin məlumatına görə, təyyarə enənə qədər yanacağı, demək olar ki, tükənib. Göyərtədə ümumilikdə 14 sərnişin olub. Kişinin təyyarəyə bıçaqla necə daxil olması hələ aydın deyil.

Bildirilir ki, həftəsonu Teylora ölkəyə giriş qadağan edilibmiş. Onun Belizə necə daxil olması hazırda araşdırılır.(oxu.az)