Biləsuvarda kişi bacısından boşanan yeznəsini güllələdi - TƏFƏRRÜAT

Bir neçə gün əvvəl Biləsuvar rayonunda 35 yaşlı kişinin qaynı tərəfindən güllələnməsinin bəzi təfərrüatları məlum olub. 

Avtosfer.az xəbər verir ki, rayon sakini, 1995-ci il təvəllüdlü Emin Kərimli bacısının həyat yoldaşı olan 1989-cu il təvəllüdlü Elçin Əmənovu sonuncunun idarə etdiyi "Mercedes" markalı avtomobilində güllələyib.

Ov silahından açılan atəş nəticəsində Elçin Əmənov sağ əlindən xəsarət alıb. Yaralı əvvəlcə qohumluq münasibətlərini nəzərə alıb xəstəxanaya getməkdən imtina etsə də, sonradan xəsarətin ciddiliyini nəzərə alıb. O, Biləsuvar rayon xəstəxanasına çatdırılıb. Hadisəni törədən şəxs məsuliyyətə cəlb edilib. 

Qonşuların verdiyi məlumata görə isə, Elçin təzəlikcə Eminin bacısından boşanıb və üstəlik yeni evliliyə hazırlaşırmış.

Hadisəyə səbəb də məhz bu fakt olub. Hadisə hüquq-mühafizə orqanları tərəfindən araşdırılır.