Durovun iyulun 8-də başlayan istintaq çərçivəsində saxlanılıb

"Telegram" messencerinin həmtəsisçisi Pavel Durov 2024-cü il iyulun 8-də başlayan istintaq çərçivəsində Fransada saxlanılıb.

Avtosfer.az-ın "Report"a istinadən məlumatına görə, bu barədə Paris prokurorluğunun məlumatında deyilir.

“Bu tədbir 2024-cü il iyulun 8-də Paris prokurorluğunun kibercinayətkarlıqla mübarizə şöbəsinin təşəbbüsü ilə aparılan istintaqa qədərki yoxlamanın nəticələrinə əsasən başlanmış ibtidai istintaqın tərkib hissəsidir”, - mətndə qeyd olunur.

Qurumdan verilən məlumata görə, müstəntiqlərin tələbi ilə istintaqa Rəqəmsal Cinayət Mərkəzi və Milli Fırıldaqçılıq İdarəsi də cəlb olunub.

Qeyd edək ki, Pavel Durovun Fransada uzadılmış həbs müddəti avqustun 28-də başa çatır.