Müsabiqədə bahalı telefon qazanan yeniyetmə xoş niyyətinin badına getdi

Bakıda futbol müsabiqəsində bahalı telefon qazanan yeniyetmənin sevinci uzun sürməyib.

Avtosfer.az Oxu.az-a istinadən xəbər verir ki, hədiyyəsini alıb mağazadan çıxan zaman başqa bir şəxs telefonu onun əlindən alaraq qaçıb.

Hadisə barədə sosial şəbəkədə paylaşım edən yeniyetmənin anası Esmira Azayeva bildirib ki, tanımadıqları şəxs oğluna yaxınlaşaraq həmin telefondan almaq niyyətində olduğunu, və xüsusiyyətlərinə baxmaq istədiyini deyib.

Yeniyetmə də aldanaraq telefonu ona uzadıb.

Hadisə ilə bağlı Daxili İşlər Nazirliyinin (DİN) Mətbuat Xidmətinin baş inspektoru, polis leytenantı Elbrus İbrahimov bildirib ki, dekabrın 6-da Yasamal rayonu ərazisində bir nəfərin mobil telefonunun dələduzluq yolu ilə ələ keçirilməsi barədə polisə məlumat daxil olub:

"Müraciət üzrə Yasamal RPİ 29-cu Polis Şöbəsində araşdırmalara başlanılıb. Əməli törətməkdə şübhəli bilinən şəxsin müəyyən olunaraq saxlanılması istiqamətində tədbirlər keçirilir".