Nalayiq ifadələr işlətdiyinə görə bıçaqlandı: Qəbələdəki hadisənin DETALLARI məlum oldu

Qəbələdə 16 yaşlı gəncin 41 yaşlı kişini bıçaqlamasının təfərrüatı məlum olub.

Avtosfer.az xəbər verir ki, 41 yaşlı Zamiq Əbdürəhimov 2008-ci il təvəllüdlü Ə.S-in ailə üzvləri haqqında nalayiq ifadələr işlədib.

Bu səbəbdən aralarında mübahisə yaranıb və görüş təyin ediblər. 16 yaşlı gənc üzərində gəzdirdiyi bıçaqla Zamiq Əbdürəhimova xəsarət yetirib.

Məlumata görə, hadisə Qəbələ şəhərinin özündə baş verib. Hər iki şəxs Həmzəli kənd sakinləridir.

***

Qəbələdə bıçaqlanma hadisəsi olub.

Avtosfer.az xəbər verir ki, gecə saat 03 radələrində 2008-ci il təvəllüdlü Ə.S. şəxsi münasibətlər zəminində aralarında yaranmış mübahisə zamanı 41 yaşlı Zamiq Əbdürəhimova bıçaqla xəsarət yetirib.

DİN-in Mətbuat Xidmətinin Şəki regional qrupundan bildirilib ki, polis əməkdaşlarının həyata keçirdikləri tədbirlərlə əməli törətməkdə şübhəli bilinən yeniyetmə saxlanılıb. Müvafiq ekspertiza təyin olunub, araşdırmalar davam etdirilir.

(oxu.az)