Park halında olan maşın od tutub yandı

Türkiyənin Afyon əyalətinin Şuhut rayonunda park edilmiş “Tofaş” markalı avtomobil naməlum səbəbdən yanıb. Avtosfer.az xbər verir ki, hadisə Şuhut rayonundakı bazarın yaxınlığında baş verib.

Əldə edilən məlumata görə, dayanmış avtomobildən tüstü çıxmağa başladığını görən sakinlər dərhal yanğınsöndürənlərə məlumat verərək kömək istəyiblər. Xəbər verildikdən sonra əraziyə yanğınsöndürmə briqadaları göndərilib. Qısa müddətdə hadisə yerinə gələn qruplar yanğına müdaxilə edib.

Təxminən 20 dəqiqə davam edən yanğınsöndürmə qruplarının sıx müdaxiləsi nəticəsində park edilmiş avtomobilin alovu söndürülüb. Yanğın nəticəsində avtomobilə böyük maddi ziyan dəysə də, ətrafda xəsarət alan və tələfat olmayıb.