Qaraçuxurda əks yola çıxan sürücü qəzadan möcüzəvi şəkildə qurtuldu - REAL VİDEO

Paytaxtın Suraxanı rayonu, Qaraçuxur qəsəbəsində təhlükəli an avtomobilin kamerasına düşüb.

Avtosfer.az xəbər verir ki, hadisə sentyabrın 7-də saat 12:48 radələrində qeydə alınıb. Belə ki, 90-CL-750 dövlət nömrə nişanlı “Daewoo Nexia” markalı avtomobilin sürücüsü qarşısında hərəkətdə olan sərnişin avtobusunu ötmək üçün əks istiqamətli yola çıxıb. Bu zaman o, sol tərəfdən yolayrıcına daxil olan 77-KY-221 dövlət nömrə nişanlı “BMW” markalı avtomobillə toqquşmaqdan son anda yayınıb. Videodan da aydın olur ki, görüntünü qeydə alan sürücü dərhal sağa manevr edərək qəzadan qurtulub.

Qeyd edək ki, ötmə əməliyyatı yalnız yol nişanları və işarələr icazə verdiyi halda, həmçinin sürücü tam təhlükəsizliyə əmin olunduqdan sonra həyata keçirilməlidir. Əks halda o təkcə özünü deyil, digər hərəkət iştirakçılarını da təhlükə qarşısında qoyur.

Nərmin