Qubada 17 yaşlı gənc bıçaqlandı

Quba rayonunun Zərdabi qəsəbəsində yaşayan 17 yaşlı gənc bir qrup yeniyetmə ilə mübahisə edib. Nəticədə onlardan biri tərəfindən bıçaqlanıb.

Avtosfer.az xəbər verir ki, qarın nahiyəsindən 2 bıçaq zərbəsi alan gənc dərhal Quba rayon mərkəzi xəstəxanasına çatdırılıb.

Gənc dərhal əməliyyat olunub, həkimlərin səyi nəticəsində həyatı xilas edilib.

Çoxlu qan itirən gəncə Mərkəzi Qan Bankının Quba şöbəsindən qan verilib. Zərdabi qəsəbə sakinləri də kömək üçün yaralıya könüllü qan veriblər.

Faktı Quba rayon polis şöbəsi araşdırır.

DİN-in Mətbuat Xidmətinin Quba regional qrupunun inspektoru, polis baş leytenantı Xəyal Tallbov deyib ki, həmin məsələ ilə bağlı polisə məlumat daxil olub.

Əməli törədən şəxs saxlanılıb. Hazırda Quba RPŞ-nin istintaq bölməsində araşdırma aparılır.

(bizim.media)