Şəhid anası oğlunun ildönümündə vəfat etdi - FOTO

Biləsuvar rayonunun Nərimankənd kəndində şəhid anası Rəfiqə Əliyeva vəfat edib.

Avtosfer.az xəbər verir ki, o, oğlu – şəhid gizir Pərvin Əliyevin şəhidlik ildönümündə dünyasını dəyişib.

Qeyd edək ki, Pərvin Səlahəddin oğlu Əliyev 15 mart 1981-ci ildə Biləsuvar rayonunun Nərimankənd kəndində anadan olub. Həqiqi hərbi xidmətini başa vurduqdan sonra Xüsusi Təyinatlı Qüvvələrdə gizir kimi xidmətini davam etdirib.

O, 2014-cü il avqustun 1–3-də Azərbaycan-Ermənistan təmas xəttində baş vermiş döyüşlər zamanı şəhid olub. Şəhid gizir avqustun 2-də doğulduğu Nərimankənd kəndində torpağa tapşırılıb.

Pərvin Əliyev ölümündən sonra "Hərbi xidmətdə fərqlənməyə görə" III dərəcəli medalla təltif edilib. Həmçinin Biləsuvar şəhərinin küçələrindən birinə onun adı verilib.