İnfeksionist yayda çimməyin təhlükələri barədə xəbərdarlıq edib

İsti yay günlərində su hövzələrində bakteriya və göbələklərin sürətlə çoxalması sağlamlıq üçün risk yarada bilər.

Avtosfer.az xəbər verir ki, bu barədə rusiyalı infeksionist Mariyat Muxina bu barədə Life.ru-ya açıqlamasında danışıb.

Həkimin sözlərinə görə, xüsusilə yosunların çiçəkləndiyi dövrdə qulaq kanalında qalan su infeksiyaların yaranmasına əlverişli şərait yaradır. Bundan əlavə, yosunların ifraz etdiyi bəzi maddələr qulaq kanalında qıcıqlanmaya səbəb ola bilər.

Mütəxəssis vurğulayıb ki, qulaq pərdəsi zədələnmiş şəxslərdə su daxili qulağa keçərək mezotimpanit, epitimpanit, hətta meningit kimi ciddi fəsadlar törədə bilər.

Profilaktika məqsədilə çimdikdən sonra qulaqları yaxşı qurulamaq, başı yana əyərək suyu axıtmaq və xarici qulağı yumşaq dəsmalla silmək tövsiyə olunur. Qulaq çöpü və digər iti əşyalardan istifadə edilməməsi məsləhətdir. Zərurət olduqda xüsusi qulaq damcılarından, qulaq problemi olan şəxslər üçün isə qoruyucu tıxaclardan istifadə edilə bilər.

Həkim həmçinin bulanıq və kəskin qoxulu sularda çimməməyi, qulaqda ağrı, axıntı, eşitmənin zəifləməsi və ya hərarət yüksəldikdə isə gecikmədən LOR həkiminə müraciət etməyi tövsiyə edib.