Torpaq sürüşməsi oldu: 11 nəfər ölüb, 8 nəfər itkin düşüb

Nepalda son 36 saat ərzində leysan torpaq sürüşmələri və daşqınlara səbəb olub, nəticədə azı 11 nəfər ölüb. "Report" bu barədə "Reuters"ə istinadən xəbər verir.

Bununla yanaşı, 12 nəfər yaralanıb və xəstəxanaya yerləşdirilib.

Daha 8 nəfərin itkin düşdüyü bildirilir.

Əlverişsiz hava şəraiti ilə əlaqədar əsas magistral yollar da bağlanıb, çaylarda suyun səviyyəsi kəskin şəkildə artıb və sakinlərə mümkün daşqınlar barədə xəbərdarlıq edilib.

Xatırladaq ki, Nepalda güclü musson yağışları iyunun 10-da başlayıb. Bu müddət ərzində təbii fəlakətlərlə bağlı ümumilikdə 147 hadisə qeydə alınıb.