Ölkəyə qaçaqmalçılıqla külli miqdarda narkotik gətirən şəxslərə ağır cəza verilib

Ölkəyə qaçaqmalçılıq yolu ilə külli miqdarda narkotik gətirib satmaqda ittiham olunan Gülnarə Nəsirova və Yaşar Cəfərovun cinayət işi üzrə məhkəmə araşdırması başa çatıb.

Avtosfer.az xəbər ki, Bakı Ağır Cinayətlər Məhkəməsində hakim Zeynal Ağayevin sədrliyi ilə keçirilən iclasda hökm oxunub.

Hökmə əsasən, Yaşar Cəfərov 15 il, Gülnarə Nəsirova isə 13 il müddətinə azadlıqdan məhrum edilib.

Xatırladaq ki, ittiham olunan şəxslər Daxili İşlər Nazirliyi (DİN) Baş Mütəşəkkil Cinayətkarlıqla Mübarizə İdarəsi tərəfindən keçirilən əməliyyatla həbs olunublar.

İttiham olunan şəxslər həbs olunarkən onlardan ümumilikdə 10 kiloqrama yaxın yüksək təsiredici narkotik maddə heroin aşkar edilərək götürülüb. Saxlanılan şəxslər narkotik vasitələri satmaq məqsədi ilə ölkə ərazisinə gətirdiklərini bildiriblər.

Hər iki şəxs barəsində Cinayət Məcəlləsinin 234.4.3 (külli miqdarda narkotik dövriyyəsi) maddəsi ilə ittiham verilib.

apa