Avstraliyada ildırım vurması nəticəsində 13 şagird və iki müəllim xəstəxanaya yerləşdirildi

Avstraliyanın Qladston şəhərində ibtidai sinif şagirdləri və müəllimləri ildırım vurması nəticəsində travma alıb.

TASS-ın məlumatına görə, bu barədə Kvinslend ştatının təcili yardım xidməti məlumat verib.

Bildirilir ki, məktəbin iki müəllimi və 13 şagirdi açıq hovuzda dərs keçərkən yaxınlıqda ildırım çaxıb.

Zərbə nəticəsində uşaqlar və müəllimlər xəsarət alıblar, onlar yüngül elektrik şoku əlamətləri ilə xəstəxanaya yerləşdiriliblər.

Hazırda zərərçəkənlərin vəziyyətinin stabil olduğu vurğulanır.