Azərbaycanda Avrasiya Logistika Alyansının nəqliyyat və logistika məntəqəsi qurula bilər

Avrasiya Logistika Alyansına daxil olan nəqliyyat və logistika sahəsində fəaliyyət göstərən şirkətlərin rəhbərləri Sumqayıt Kimya Sənaye Parkında (SKSP)olublar.
Bu barədə Avtosfer.az-a SKSP-dən bildirilib.
Məlumata görə, nümayəndə heyəti Sumqayıt Kimya Sənaye Parkında görülmüş işlərlə, Sənaye Parkının rezidenti “STP” MMC-nin Kabel Zavodu və “ALCO” MMC-nin Sürtkü yağlarının istehsalı müəssisəsində gedən iş prosesi ilə tanış olublar.
Sonra şirkət rəhbərləri ilə İqtisadi Zonaların İnkişafı Agentliyinin (İZİA) İdarə Heyətinin sədri Elşad Nuriyev arasında görüş keçirilib.
20-dən çox şirkət nümayəndəsinin iştirak etdiyi görüşdə İqtisadi Zonaların İnkişafı Agentliyinin idarəçiliyində olan sənaye zonaları və aqroparklar, burada sahibkarlar üçün mövcud investisiya imkanları, tətbiq edilən vergi və gömrük güzəştləri barədə məlumat verilib, sənaye zonaları və aqroparkları barədə təqdimat təşkil edilib. Şirkət rəhbərləri, həmçinin Cəbrayıl rayonunda yerləşən “Araz Vadisi İqtisadi Zonası” Sənaye Parkının logistik imkanları, burada və Sumqayıt Kimya Sənaye Parkında yaradılacaq gömrük anbarları barədə məlumatlandırılıblar.
Görüşdə Şimal-Cənub, Şərq-Qərb nəqliyyat dəhlizləri çərçivəsində Avrasiya Logistika Alyansının Azərbaycanda nəqliyyat və logistika məntəqəsinin qurulmasına dair fikir mübadiləsi aparılıb.
Qeyd edək ki, Avrasiya Logistika Alyansı gömrük və logistika sahəsində fəaliyyət göstərən şirkətləri özündə birləşdirir.
Badamdarda torpaq sürüşməsi təhlükəsi - VİDEO
Media və Yayım Şurası Fransadan idarə olunan "YouTube" kanalını ifşa edib
Ali məktəblər üçün yeni dövr: Hansı universitetlərə xüsusi status veriləcək?
Tələbələrin fotolarını montaj edib şantaj edən şəxs saxlanıldı - VİDEO
Bakı-Qazax yolunda təhlükəli vəziyyət - VİDEO
Nəvəsinin andiçmə mərasiminə gələrək itkin düşən kişinin meyiti tapıldı
Bakı körpülərinin sədləri nə qədər təhlükəsizdir? - RƏSMİ CAVAB
“Sükan arxasında insan həyatı ilə oynamaq bağışlanmaz məsuliyyətsizlikdir” - Rövşən Tağıyev
Məhkəmə generalın qızı ilə bağlı QƏRAR VERDİ
Bakıda külək güclənəcək - XƏBƏRDARLIQ
Zelenski İlham Əliyevlə görüşə gəldi - VİDEO












