Azərbaycanda ötən ay uşaqlara ən çox hansı adlar qoyulub? - SİYAHI

Azərbaycanda ötən ay ərzində dünyaya gələn körpələrə qoyulan adlar arasında Yusif, Uğur, Hüseyn adları üstünlük təşkil edib. 

Avtosfer.az xəbər verir ki, bu barədə Oxu.Az-ın sorğusuna cavab olaraq Ədliyyə Nazirliyindən məlumat verilib. 

Bildirilib ki, noyabrda doğulan oğlan uşaqlarına ən çox qoyulan adlar arasında Yusif, Uğur, Hüseyn, Əli, Ömər, Məhəmməd, Murad, Raul, Ayxan və Adəm adları yer alıb.

Qız uşaqlarına isə daha çox Zəhra, Zeynəb, Məryəm, Mələk, Fatimə, Aylin, Nuray, Nilay, İnci və Dəniz kimi adlar verilib.